Stöðva samkomur og hávaða við Smáralind á kvöldin

Stöðva samkomur og hávaða við Smáralind á kvöldin

Það hefur verið umtalað í mörg ár hversu mikið ónæði berst frá bílakjallaranum við turn Smáralindar kvöld eftir kvöld þegar fólk kemur saman til þess að þenja bílana sína og sprengja bassaboxin. Þrátt fyrir ítrekaðar beiðnir bæði til lögreglu og umsjónaraðila turnsins um að grípa inn í og loka svæðinu, hefur ástandið verið óbreytt, eins og fyrr segir í mörg ár. Með sameiginlegu átaki og þrýstingi má kannski hvetja til aðgerða, fyrir fullt og allt.

Points

Óþolandi hávaði oft í viku

Sammála því að eitthvað þurfi að gera til að stoppa þessar bílasamkomur. Alveg óþolandi hávaði í íbúðabyggð. Það væri kannski hægt að útbúa svæði fyrir þennan hóp einhvers staðar, þar sem ekki er eins mikil truflun.

Endalaust ónæði er af þessum samkomum þar sem rúður nötra undan hávaða.

Virkilega undarlegt að bæjaryfirvöld, lögreglan og umsjónaraðilar Smáralindar skuli láta vandamálið viðgangast og magnast. Og erfitt að skilja að lögreglan skuli ekki stöðva spyrnur á götum bæjarins. Þarf virkilega einhver að slasast eða deyja áður en gripið verður inn í?

Sammála! Bý í lautasmára og þessu fylgir mikill hávaði :(

Þetta er áhugamál fólksins sem er að mæta þangað, ekki reyna að eyðileggja þetta fyrir þeim

Þetta er ekki ólöglegt eða neitt, enginn er þar lengur en 24:00 og samkvæmt lögum má alveg vera með hávaða til 24:00 ef þið viljið ekki ver heyra svona prófið að loka gluggum:)

Lætin í bílunum halda vöku fyrir öllu hverfinu fram á nótt margar nætur í viku. Það hlýtur að vera hægt að gera eitthvað.

Endalaus hávaði, og enginn svefnfriður. Það verður að stoppa þessi læti í Smáralind á kvöldin.

Bý í Gullsmára, er með 6 mánaða barn. Þetta gengur ekki!

nei það held ég ekki😁

100%

Mikill hávaði og óþægindi.

Eg bý sjálfur þarna nálægt og mér finnst bara skemmtilegt að fólk sé með mismunandi áhugamál fyrir utan það að þeir aru bara að skapa stemmningu í hverfinu

ég bý í Lautasmára og það fer ekki framhjá manni þegar hávaðinn byrjar. Ískur í dekkjum er þvílíkt að það liggur við að maður þurfi eyrnatappa. Er það eðlilegt að seint að kvöldi kl. 23 sem dæmi.

Það er ekki friðsælt fyrir fjölskylduna að leggjast til hvílu vegna þessara láta. Það er glatað að sofa með eyrnatappa (sem er ekki skynsamlegt þegar maður á lítil börn) og vona kvöld hvert að börnunum takist að sofa gegnum lætin. Ein af ástæðum þess að það er ekki gott að búa í Kópavogi.

Hávadi og læti þannig ad madur getur ekki sofið sirka 10 min fra,smáralindini heyri samt lætin þetta er með ólíkindum ad þessi læti fá,ad vera buið ad kvarta tþyfir þessu i mörg ár dottir min átti heima i lautarsmara og börnin gatu ekki sofið enda er hun flutt en svo er þetta ekki drift braut hun er í hafnarfirdi 😈

Þetta er ótrúlegt mál! Og að bærinn skuli ekki beita sér fyrir þessu í virðingarskyni við íbúa Smárahverfis er fyrir neðan allar hellur

Alveg óþolandi að geta ekki fengið svefnfrið fyrir þessum látum. Við fullorðna fólkið getum sett í okkur eyrnatappa sem er samt glatað en ég fer ekki að troða þeim í börnin mín!

Mér finnst svo sem allt í lagi ef verið er að hittast þarna, spjalla og skoða bíla hjá hvor öðrum en þau skemmdu þetta fyrir sjálfum sér með því að vera með læti sem truflar fólk í hverfinu. Það er verið að þenja vélarnar, tónlistin er sett í botn og svo er reykspólað og farið í spyrnu hérna um göturnar. Þar sem það er greinilega ekki hægt að ætlast til að þau hagi sér og taki tillit til annara þá er bara best að loka planinu o.fl. til að koma í veg fyrir þetta.

More points (2)

Back to group

This content is created by the open source Your Priorities citizen engagement platform designed by the non profit Citizens Foundation

Your Priorities on GitHub

Check out the Citizens Foundation website for more information