Hugmynd af íbúafundi: Upplýstan sparkvöll við Snælandsskóla

Vissulega er gervigrasvöllurinn í Fagralundi en eftir skóla eru þar yfirleitt alltaf æfingar og því hafa börn í Snælandsskóla ekki tækifæri til að nýta grasið í frítíma sínum líkt og börn í öðrum hverfum Kópavogs.

Sparkvellir eru við alla aðra skóla í Kópavogi og flesta ef ekki alla aðra skóla á höfuðborgarsvæðinu óháð því hvort að önnur íþróttamannvirki eins og gervigras íþróttafélags séu nálægt skólanum. Skv. upplýsingum frá íþrótta og tómstundafulltrúum annarra sveitarfélaga eru þetta vinsælustu leiksvæðin á skólalóðum og eru í notkun fram á kvöld og um helgar. Nemendur í Snælandsskóla eru því að missa af tækifæri og skemmtun sem aðrir hafa aðgang að.