Kópavogsbær leiti samstarfs við Veðurstofu Íslands um að setja upp og reka sjálfvirka veðurstöð í Kópavogsdal. Fundinn verði hentugur staður á opnu svæði, sem uppfylli alþjóðlega staðla um veðurmælingar. Með veðurstöð komi einnig aðlagaðar veðurspár úr spálíkönum fyrir Kópavogsdal á vef Veðurstofunnar.
Mikilvæg viðbót við þétt net veðurstöðva í helsta þéttbýli landsins
Engin veðurstöð er í Kópavogi, sem Veðurstofan hefur aðgang að. Veðurspár úr spálíkönum eru fyrir stór svæði, en landslag hefur mikil áhrif á veðrið á hverjum stað. Með veðurathugunarstöð er unnt að leiðrétta spálíkön að aðstæðum og fá þannig gagnlega veðurspá fyrir Kópavogsdalinn.
Veðurathuganir í rauntíma og spár á netinu auðvelda og hvetja íbúa til útivistar í Kópavogsdalnum. Aðgengi að athugunum og spám bætir upplýsingagjöf og aðstöðu fyrir stór íþróttamót (fótbolti, frjálsar, ...), eða úti-íþróttaæfingar ungmenna í dalnum. Alvarleg umferðarslys vegna hálku eru algeng á Hafnarfjarðarveginum við Kópavogslæk. Aðgengi að hita- og rakamælingum gætu auðveldað viðvaranir til vegfarenda.
This content is created by the open source Your Priorities citizen engagement platform designed by the non profit Citizens Foundation